(¯`·.Mahima.·´¯)
Admin
Join date : 2008-12-11
Posts : 492
Location : United States
|
 Subject: Koi Aesa Shakhs Huwa Karay  Mon Oct 05, 2009 12:26 am |
|
|
Meray Dard Ki Jo Dawa Karay, Koi Aesa Shakhs Huwa Karay
Woh Jo Bay'Panaah Udaas Ho, Magar Hijr Ka Na Gila Karay
Meri Chahate'n Meri Qurbate'n Jisay Yaad Aaei'n Qadam Qadam
To Wo Sab Se Chup Ke Libas-e-Shab Mein Lipat Kay Aah.O.Buka Karay
Barhay Us Ka Gham To Qaraar Kho Day, Woh Meray Gham Kay Khayaal Say
Uthai'n Haath Apnay Liye To Phir Bhi, Meray Liye Hi Dua Karay
Yeh Qasas Ajeeb O Ghareeb Ha'n, Yeh Mohabbato'n Kay Naseeb Ha'n
Mujhay Kesay Khud Say Juda Karay, Usay Kuch Batao Kay Kiya Karay
Kabhi Tay Karay Yu'n Hi Soch Soch Me'n, Woh Firaaq Kay Faaslay
Meray Peechay Aa Kay Dabay Dabay, Meri Aankhai'n Moond Hansa Karay
Bhala Kesay Apnay Hi Aks Ko Mai'n Rafeeq-e-Jaan Bana Sako'n
Koi Or Ho To Bata To Day, Koi Hay Kahee'n To Sada Karay
Usay Dhoondti Hay Gali Gali, Meri Khilwato'n Ki Udasiya'n
Woh Milay To Bas Yeh Kahoo'n Kay Aa, Mera Moula Tera Bhala Karay |
|
